O cantante compostelán Fredi Leis regresa con "Déjà Vu"

É o primeiro sinxelo do segundo disco do artista, que sairá no 2022

O cantante Fredi Leis no videoclip de "Déjà Vu". @fredileis

Patricia Otero / Santiago

O cantante e compositor galego, nado en Santiago de Compostela, Fredi Leis lanzará en 2022 o seu segundo disco de estudo no que leva xa tempo traballando, e para ir desvelando o que podemos esperar deste novo álbum acaba de compartir un primeiro adianto baixo o título “Déjà Vu”.

O artista regálanos este 'Déjà vu' como unha das grandes cancións do disco e do repertorio global do compositor. Un tema a medio tempo, luminoso e positivo, que conta cun refrán memorable no que lle canta a un amor imposible.

O seu videoclip, que mostra ao artista interpretando o tema en diferentes escenarios e con diferentes tratamentos de luz e cor, está dirixido polo realizador galego Jairo Iglesias, co propio Fredi Leis exercendo a dirección creativa xunto ao seu irmán Pedro Leis, quen tamén é responsable dos grafismos do novo single. De feito, parte da rodaxe foi feita no Pazo de San Lorenzo de Santiago de Compostela.