Santiago de Compostela e A Estrada, as próximas paradas de Guadi Galego en Galicia

A cantante actuará nestas cidades os días 11 e 12 de novembro co seu disco "Costuras"

Guadi Galego na xira Costuras en Boiro. guadigalego.eu

Patricia Otero / Santiago

Os vindeiros días 11 e 12 de novembro, "Costuras" será presentado por Guadi Galego en dúas galas que terán lugar en Santiago de Compostela e na Estrada. "Costuras" aúna 10 cancións de Guadi Galego e Carlos Abal que viaxan desde mundos asociados á súa infancia ata o presente máis duro e á vez esperanzador, onde a autora amosase tal como é.

Neste disco a artista non actúa soa e conta con tres colaboracións que completan o disco, dúas poetas Antía Otero e Marina Oural e unha cantante, a catalá Paula Grande. A produción musical, a cargo de Olivera Estudi, dá un novo aspecto ás creacións de Guadi, entrando en campos electrónicos, sen esquecer a parte máis orgánica, creando texturas únicas dentro do pop.

Este xoves 11 de novembro actúa nos Premios San Martiño de Normalización Lingüística no Teatro Principal da Estrada ás 20:30 e o venres 12 actuará no salón nobre de Fonseca, en Santiago, na Asemblea Xeral de ELEN que reunirá en Compostela ás principais entidades en defensa da lingua de Europa.