Cineuropa segue enchendo a capital galega de actividades sobre cine

O festival presenta dous obradoiros dirixidos a todos os públicos para o 20 e 21 de novembro

Xente nun obradoiro pasando o tempo. Cedida.

Javier Caínzos / Fene

O primer obradoiro terá lugar este sábado 20 de novembro ás 12 horas no Auditorio de Galicia (na Sala Mozart).

Cartel dun dos dous obradoiros. Cedida.

De nome "PROXECTO REMOLQUE", esta actividade de cinema expandido ensinará ao público a realizar as súas propias películas en celuloide reciclando vellos tráilers de 35 mm. Este evento didáctico estará dirixido polo proxeccionista e cineasta Cris Lores acompañado de Belén Veleiro e Alberte Pagán, tamén cineastas.

Ao día seguinte, o domingo 21 de novembro, terá lugar o último dos dous obradoiros organizados polo festival. Como o anterior, será ás 12 horas no Auditorio de Galicia e a entrada é apta para todas as idades.

Cartel do outro obradoiro. Cedida.

"PAPER CINÉTICO. OBRADOIRO O CINE COMO XOGO DE MAXIA". Así chámase este obradoiro, creado por Belén Veleiro, onde se reflexiona sobre o protagonismo do papel na cinematografía e como, a través do seu uso, atopáronse unha chea de posibilidades deste formato que permite transformar a bidimensionalidade nun obxecto tridimensional en movemento.

A ferramenta que se vai empregar é o zoótropo. Un xoguete moi popular no seu tempo que supuso un gran avance para a aparición do cine. O que se consegue con este aparello é darlle vida a obxectos inmóbiles posto que "zoo" significa activo, vivo.