O Mercado Ecolóxico e Artesanal de Bueu enfronta o mal tempo

Dar a coñecer os produtos foi o principal obxectivo dos vendedores que acudiron á mostra

Cartel promocional do Mercado Ecolóxico e Artesanal de Bueu

Redación / Santiago de Compostela

O Concello de Bueu celebrou o pasado domingo 28 de novembro unha nova edición do Mercado Ecolóxico e Artesanal, un evento que se celebrou, a pesar de que o tempo non acompañou, na carpa dos Xardíns de Urbano Lugrís – As Lagoas entre as 11:00 e as 20:00 horas. Máis dunha ventena de postos ecolóxicos, gastronómicos e artesanais, talleres para pequenos e adultos, demostracións de coctelería e charlas, foron algunhas das actividades deste mercado que se concibe como un escaparate para produtores.